منتديات التوأمان الإسلامية
السلام عليكم ورحمة الله وبركاته
أهلاً فيكم في منتديات التوأمان الإسلامية
نتمنى من الله عزوجل ان يرزقنا الصدق في القول والإخلاص في العمل
ان شاء الله نستفاد ونفيد
جعل الله هذا المنتدى حجة لنا لا علينا يوم الحساب انه ولي ذلك والقادر عليه
لا تنسونا من صالح الدعاء بظهر الغيب
من طرف إدارة منتديات التوأمان الاسلامية

ايه اللى بيحصل فى مصر يا جدعااان ؟؟

اذهب الى الأسفل

ايه اللى بيحصل فى مصر يا جدعااان ؟؟

مُساهمة من طرف ????? في الأربعاء مايو 16, 2012 3:50 pm

ايه اللى بيحصل فى مصر يا جماااااااعة ؟؟
تامر : خير مالها مصر مهى زى الفل اهى ولا فى حاجه حصلت من ورايا ياض يامحسن ؟؟
محسن : ياعم انت لسه نايم فى الطراوة يابنى بيقولوا فى ثورة فى مصر والدنيا قايمه والناس بتموت
تامر : affraid
انت بتقول ايه فهمنى وهم عملوا ثوره ليه ؟ ومطالبهم ايه ياجدع دى البلد بقت حكايه حجات غريبه بتحصل ولا حس ولا خبر
محسن يا عم روح نام هو حد جابنا ورى غيرك انت واللى زيك ضربينها نت وبنات على طول ومريحين دماغكم بكام برشامه ولا ايه يااحمد ؟
احمد :والله مش عارف بقيت ملخبط من اللى بيحصل الشيخ (...) طول عمره يقول حرام الخروج على الحاكم والدليل اهو من الكتاب والسنه وبعد الدنيا ما قامت وكفت الثوار بدت ترجح يا جدع لقيت فى قلب الميدان وبيقول معاكم واللى بيحصل ده دفع للظالم وردع لها و كلمة حق فى وجه سلطان جائر وووقعد يفتى ولم الناس ومالت المشايخ معظمهم او كلهم الا قليل او نادر لما حيرونا ربنا يسامحهم
عمر :الا قولى ياحمد هو دم الشباب اللى ساح ده فى رقبة مين ؟
احمد وانا مالى يا جدع روح اسأل مفتى هههههههههههههههههههههههه مفتى اسرائيل Very Happy وربنا فضحتونا
خالد: ياض اتلم انت وهو ملها بقى الثورة مش خلتكم بنى ادمين وبتطالبوا بحقوقكم بدال ما كنتم بتنضربوا بالجزم ولا حد يقدر يتنفس ومال البلد اللى سرقوه الحرميه اهم بيتحاكموا وربنا انتقم منهم وورانا فيهم يوم
ياسر : يوم ايه ياعم اللى بتتكلم عليه داحنا شفنا ايام سودا ياجدع داحنا من يوم الثوره وحالنا واقف فى النهار نشتغل ده لو مكنش فى مظاهرات ولا اضرابات وقطرات واقفه وفى الليل نسهر نحمى بيوتنا واولادنا وحريمنا ياعم روح بلا ثوره بلا قرف Sad

وائل : تصدقوا وربنا انتوا شعب يستاهل مش وش نعمه اتعودتم على اغنية عشان ما نعلا ونعلا ونعلا لازم نطاطى نطاطى نطاطى جاتكو الهم بلد تقرف
عمرو : طيب يا فالح يا ثورجى انت قولى بقى مين هيرجعلى اخويا اللى انقتل فى الثورة ولا بنت عمى اللى انخطفت ومش قادرين ندفع فديتها
على : يا جدع يا ريت على كدا وبس دى البلد بتولع كل يوم مصنع بينحرق ونهب وسرقه وسطو مسلح ياعم الحجات دى كان بنشوفها فى الافلام الاجنبي ونقول فبركة سينما ولا المصيبه كل واحد جاموسته ماتت بقى يلم العيله ويقعد على السكه ويقطع الطريق ويوقف القطارات لما الحكاية بقت ساهله ضيعوا هيبة البلد جتهم خيبه
وائل : تصدقوا انتوا فلول بجد يابنى انت هوا كل ده من شغل الفلول علشان يخلوا الناس تزهق وتقول ولا يوم من ايامك يامبارك افهموا اللعبه بقى
ضاحى : ابتدى التهجيص كل مصيبه تحصل نعلقها على شماعة الفلول طيب ياعم الدمار الشامل اللى فى البلد وبهدلت الشرطه والجيش وكل ده اجندات يا كابتن؟؟!! تقدر تقولى الاخوان ايه اللى بيعملوه ده ياراجل زودوها كوشوا على البلد كلها واخيرا عايزين الكرسي الكبير يا عمو
مساعد : ومالهم يا جدع مش كله بالانتخاب والشعب هو اللى جابهم ولا الديمقراطيه حلوه ليكم وحرام على الاسلاميين بطلوا حقد بقى
عامر : ياعم روح كدا وانت مش فاهم حاجه شفت علاقتهم بايران اول بشايرهم حضور الكورانى النجس مصر وفتح اول حسينيه ولا حس ولا خبر ولا انكار ولا اى شيء حتى الازهر ربنا يصلح حاله شكله حن لمذهبه القديم No
سعد: ياعم انتوا عالم غريبه وماله لما يفتحوا حسينيه هم مش مسلمين يا جدع وكل واحد له حرية الاعتقاد يعنى يا ربي حلال للنصارى يبنوا كنايس وحرام على الشيعه يمارسوا معتقدهم اما انتوا عالم غريبه بجد
اسلام : بطلوا جدل فارغ وقلولى هترشحوا مين ريس
تصدقوا انا مش عارف بيقولوا السلفيين بيدعموا ابو الفتوح مع العلم يا جدع انه ابعد ما يكون عن منهجهم معرفش ايه السبب ولا دى كمان اجندات ولا ايه مبقتش فاهم كله بيخون فى كله بيقولوا الراجل ده بيقول كل واحد حر اللى عايز يحول دينه براحته وكلام كتير منيل ربنا يسلم
احمد : حتى مرسي يا جدع راجل اخر هيصه الجدع رومنسي اوى بيحب اغانى عبد الوهاب ويحب الفن الهادف زى فيلم لا تزال الرصاصة فى جيبي الا هو ايه الفن الهادف ده الا انا مش فاهمه ؟؟!!
سمير : ياعم مالكم بتقطعوا فى فروت الاخوان ليه طيب ماحمدين فى الطراوه خالص هيشخلع البلد اوى ولا العو وعمايله
اسكندر : ياعم خليكوا فى الفلول اهو اللى نعرفه احسن من اللى ما نعرفوش شفيق اكتر واحد يقد يرجع الامن والنظام فى البلد وده اللى احنا محتاجينه
ولا موسى خبره وسياسه فاهم اللعبه ويقدر يمشي البلد
سالم : اه يمشيهها زحفا ولا ايه يا عم الفلول انت ؟! كانوا فين دول ايام البلد ما كانت بتتسرق والناس بتتسحل روح نام اللى زيك بيرجعنا الف سينه لورى
يوسف : شفتوا شباب الثوره بيقولوا مش هندعم اى مرشح نفسي اعرف هيرشحوا مين ولا فى استيراد ياض يا هانى اليومين دول ؟

هانى : اسكت يا جدع بيقلك الصين منزله السوق لكل بلد قامت فيها ثورة ريس وعليه نائب هديه انما ايه شغل بره مش محتاج وصايه
ميمي : ياجماعه انا مش فاهم كلامكوا ده انما عايز احكيلكم على حاجه غريبه اوى يآآآآآآآآآآآآآآآآآآآآآآآآى
احمد : قول ياض واسترجل كدا وانت بتتكلم ايه ياعم رجالة اخر زمن دى
ميمي : استنى بس هقولك يا حماده
دخلت على مامى لقيتها بتعيط اوى اوى صعبت عليا يا حرام قعدت اطبطب عليها واقلها مالك لقيتها بتشاور على التليفزيون بصيت وقعدت اعيط انا كمان
احمد : ياعم خلص انجز خير فى ايه
ميمي : كانت بتسمع حاجه اسمها لتميه بس يااااااااااي اغنيه حزينه اوى اوى
أحمد لتميه؟؟؟؟؟؟!! يعنى ايه ياض
ميمي ناس طيبين اوى بيحبوا النبي وآل البيت مامى حبتهم اوى حتى قعدت تعيط وتعمل زيهم وانا كمان
احمد : ياض انت قصدك لطمية يخرب بيتك دول ناس ).................) ايه اللى عرفك بالقناة الزباله دى انت وامك ياض ؟
ميمي : ام حسين جارتنا قعدت تحكيلنا عنهم بس ايه ناس فري خالص كل حاجه عندهم حلال Embarassed
احمد : انت بتقول ايه ياض دول ناس زباله دينهم مبنى على الكذب والجنس والسرقه باسم الخمس غير ما خفى كان اعظم
ميمي: بطلوا حقد على الناس اللى بيحبوا ال البيت اما ناس وهابيه معقدين بجد afro Sad
نكمل ان شاء الله مع شباب مصر وايه جرى فيكى يا بلدى

?????
زائر


الرجوع الى أعلى الصفحة اذهب الى الأسفل

اللهم اصلحه وارزقه البطانة الحسنة

مُساهمة من طرف ??? في الخميس يونيو 28, 2012 5:20 pm

سبحان الله ما اعجبها سجون مصر دخلها يوسف وخرج ليكون عزيز مصر ودخلها مرسي وخرج ليكون رئيس مصر سبحان الملك يعز من يشاء ويذل من يشاء

هو الله ذو التدبير والأمر يا مرسي**من السجن والتعذيب للقصر والكرسي
وفي يوسفِ في مصرَ للناس عبرة**من القيد أضحى مالك الأرض والنفسِ
فكم من سجين صار يرأس شعبه ** وكم من رئيس صار في العالم المنسي

???
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى