منتديات التوأمان الإسلامية
السلام عليكم ورحمة الله وبركاته
أهلاً فيكم في منتديات التوأمان الإسلامية
نتمنى من الله عزوجل ان يرزقنا الصدق في القول والإخلاص في العمل
ان شاء الله نستفاد ونفيد
جعل الله هذا المنتدى حجة لنا لا علينا يوم الحساب انه ولي ذلك والقادر عليه
لا تنسونا من صالح الدعاء بظهر الغيب
من طرف إدارة منتديات التوأمان الاسلامية

رمضان فرصتى

استعرض الموضوع السابق استعرض الموضوع التالي اذهب الى الأسفل

رمضان فرصتى

مُساهمة من طرف عاشقة الفردوس في الإثنين أغسطس 12, 2013 2:59 pm

[SIZE="5"]  رمضان فرصتي

انت استعديت لرمضان ولا... ؟؟؟؟؟؟؟؟؟؟؟؟؟؟



رمضان ده فرصة يتلحق يامتلحقش,

أوكازيون سنوي أوعى يفوتك لأنه لو فاتك أنت ماتضمنش تلحقه تانى,

دا أكبر فرصة ليك إياك تفوتك الفرصة دى والله ده نعمة ربنا من علينا بها,

أنت عارف يعنى إيه رمضان؟

يعنى مافيش شياطين, يعنى مالكش حجة علشان ترجع لربنا, يعنى باب الجنة مفتوح, يعنى لازم تلحقه قبل مايقفل, يعنى ذنوبك هتغفر, يعنى قلبك هينضف, يعنى نفسك هتطمئن,يعنى عينك هتدمع من خشية الله,يعنى حياتك كلها هتتغير,

كل ده مش هيتحقق من فراغ لازم تعمل له لازم تستعد له وتكون نيتك إن رمضان ده هيكون بداية لحياة جديدة شعارك فيها (ناوي أتغير)


أنت عارف معنى إن رمضان عدى عليك من غير ماتغيرت ده كارثة كبيرة أنت مش هتحس بها إلا لما تقول (رب ارجعون) وقتها يكون خلاص وقتك انتهى فرصتك خلصت مش هينفعك الصحبة أنت اخترت المسلسلات وتركت الله بقيت تسمع التراويح ولسه قاعد بتتفرج على التليفزيون المسلسل مش هينفعك,


دا فرصة والله هتندم لو مانتهزت الفرصة أنت غافل أنت في حالة غيبوبة فوق الآن قبل ماتفوق في قبرك,

أنت إيه اللي حاجزك عن ربنا ؟هتقول الشيطان في رمضان الشياطين كلها مسلسلة مالكش حجة الحق نفسك هو أنت ضامن تلحق رمضان القادم

أنت مش نفسك في الجنة طيب اعمل لها اسعي لها رمضان أكبر فرصة علشان تحقق اللي نفسك فيه وتدخل الجنة,

أنت بالله عليك جاوبني أنت مستني إيه؟
يلا خلى نيتك إن رمضان ده هيكون بدايتي هكون من بعده جند من جنود الله المخلصين مستعد اعمل كل حاجة علشان ارضي ربنا مستعد أضحى بكل شيء فى الدنيا علشان ربنا


يلا قوم يلا اشتغل يلا مافيش وقت أنت مش نفسك تتغير طيب أهى الفرصة جتلك علشان تتغير أنت مش هتتغير في يوم وليلة لازم تجتهد لان ربنا قال

(أن الله لايغير مابقوم حتى يغيروا ما بأنفسهم)

لازم تبدأ بنفسك وخذ هذه البشرى قال الله لسيدنا داود

(ياداود لو يعلم المدبرون عنى كيف انتظاري لهم وشوقي إلى ترك معاصيهم لذابوا شوقا إلى ولتقطعت أوصالهم من محبتي ياداود هذه ارادتى بالمدبرين عنى فكيف ارادتى بالمدبرين إلى)

ما أروع تلك الكلمات الرقراقة التي تجعلك لاتفكر لحظة واحده لكي تفر إلى الله أما آن الأوان لكي ندبر إلى الله ونفر إليه ونرفع أكف الضراعة إلى الله ونذل له أما أن الآوان لكي نترك المعاصي ونفوز برضوان الله

هسألك سؤال وبالله عليك حاول تجاوب عليه بكل صدق وأمانة هو أنت بتحب ربنا ؟؟

أنا عارفه انك هتقول أكيد بحبه

طب بالله عليك بأمارة ايه؟

هو اللي بيحب حد مش لازم يعمل كل حاجة يأمره بها ما بالك إن ده ربنا اللي نعمه عليك لاتحصى أنت ليه بتقابل الإحسان باسائة هو ربنا مايستهلش منك انك تذل إليه,

شوف إبليس بيقول إيه علينا: قال إبليس:العجب لبنى آدم أيحبون الله ويعصونه ويبغضونني ويطيعوني

وهذا مانحياه الآن من واقع مر أليم نتبع خطوات الشيطان ونترك طريق الله ,



بعد كل ده أنت لسه بتفكر اعمل إيه يلا قوم امسك مصحفك وابدأ اقرأ وتدبر آيات الله بخشوع لعل الله أن يقذف في قلبك الإيمان وينور قلبك بنور القرآن يلا بقى مش كفاية ذنوب ربنا سترنا كتير ومهلنا كتير ورغم كل اللي عملناه وتجرؤنا عليه بيقول (إنى أنا الغفور الرحيم),

وهختم كلامي بآية وحديث أما الآية فيقول المولى عز وجل

( قل ياعبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا انه هو الغفور الرحيم )

وأما الحديث قال رسول الله صلى الله عليه وسلم فيما روى عن رب العزة(يقول الله يابن آدم انك مادعوتنى ورجوتني غفرت لك على ماكان منك ولا أبالى..يابن آدم لوبلغت ذنوبك عنان السماء ثم أستغفرتنى غفرت لك..يا أبن آدم لو أتيتني بتراب الأرض خطايا ثم لقيتنى لاتشرك بى شيئا أتيتك بترابها مغفرة)صدق رسول الله صلى الله عليه وسلم

يااااااااه كل ده ومش عايز تتوب؟؟؟؟؟؟؟؟



نسألكم الدعاء بالثبات

[/SIZE]

التوقيع

" مَن كَانَ يَرْجُو لِقَاء اللَّهِ فَإِنَّ أَجَلَ اللَّهِ لَآتٍ وَهُوَ السَّمِيعُ الْعَلِيمُ "
[العنكبوت : 5]
يا قارئ كلامي لا تبكي على موتي فاليوم أنا معك وغداً في التراب
و يا ماراً على قبري لا تعجب من أمري بالأمس كنت معك وغداً أنت معي أموت و يبقى كل ما كتبته ذكرى فياليت كل من قرأ كلامي دعالي ان لم تروني يوماً هنا فلتعلموا انني قد رحلت فأتمنى ان
يه والنفوس عني رآضيه
Smile





avatar
عاشقة الفردوس
نائبة المدير
نائبة المدير

عدد المساهمات : 1142
تاريخ التسجيل : 03/04/2010
العمر : 23
الموقع : https://www.facebook.com/groups/1160355240647003/?fref=ts

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى